أحبـــــــابــي ،،
ها نحن نودع عام “1429 هـ” استقبلنا عام جديد ../ 1430‎‏ هـ ..}
تذكرت هذا العام بكل ما حدث فيه من لحظات ،،
سعيدة كانت أو حزينه ..!
التقينا ،، وافترقنا ..
تعاهدنا ،، وتواعدنا ..
وسوف تصبح ¤ الذكرى ¤
في عقولنا وقلوبنا ،، ولن ترحل ..!

فالسنــــــــين
بالأحباء أثمــــن ،،،،،،!
ويكفي أن نحمل معآ
إبتسامة لنفس ¤ الـذكــرى ¤
تنقذنا أحيانآ من الوحده !
لتجمل ملامحنا ..

مـــر الـعـــــام إذآ ،،
وما بين إنتصاراتي وخسائري ،،
كنـــتم [ الشــئ الوحيــد ]
الذي لا أقبـــل المســـاومة عليــه !!
حقيـقـــــــة …/
ومن أعمق نقطة صفااااااء في روحي ،، أقول لكم ::

شــــــــكــــــــرآ
على صدآقتكم ٠٠
شــــــــكــــــــرآ
على ودكم ٠٠
شــــــــكــــــــرآ
على لحظة سعادة ،، اختلستها من أعينكم وأنتم سارحون ٠٠
شــــــــكــــــــرآ
على أوقات فرح قضيتها معكم هزمت أحزآني وأنتم لا تدرون ٠٠
شــــــــكــــــــرآ
على وجودكم إلى جانبي دومآ ,,
وأصدق الأمنيات لكم بأجمل الأيام ..}

وبنهاية هذا الشهر ،،
سوف تنطوي صفحته ..}
وقبل أن تطوى
أقول لكم ..::

[ إن أغلى هدية قدمتها لي الدنيا هي معرفتكم ومعرفة قلوبكم الطيبه ]
فشكرآ لكم ولها ،،
من أعماق قلبي’
وعذرآ ،،، إن قصرت في حق شخص منكم أو أخطأت ….!
عذرآ لقلوب أحبتني لا أعلم أهي راضية عني ،، أم ساخطة علي لفعل جهلته أو تقصير تماديت به ؟
فها أنا أعيد للقلوب صفائها …}
( عذرآ ) من القلب لكل القلوب التي أحبتني وأحببتها ،،
” فأنا لا أعلم ما إذا كان لعمري بقيه ؟ أم سأرحل أنا والعام سويه “

مع خالص حبي لكل شخص تصله رسالتي هذه ،، دمتم لي أحبابآ

أسود العام بــ (احداث غزه )

صبرا جميل والله المستعان..

محبه للمدونتي.

أردت ان اكتب شيء مما يحتويه قلبي
من معاني جميله وذكريات رائعه
فوجدت اجمل معنى
يرفرف في قلبي
ويغرد في فكري
ويحلق في روحي
نعم !! انها حقا اروع مايكمن في عاشقة مدونتك(اسطورة الغرام)

انه معنى يعلمه القليل
ويجهله الكثير

وهو اللذي لايعلمه القليل!
الا اذا عاشوه سنين طوييييله

انه المعنى اللذي لانستطيع جميعا العيش من دونه

انه المعنى اللذي جعل الإبتسامه مزروعة في شفتاي وجعل الأمل ينير طريقي

انه معنى رسم في ذاكرة البعض انه اسؤ كابوس عاشوه وذلك ليس لسؤه بل لأنهم حقا يجهلوه

وهو أيضا من رسم في ذاكرة البعض انه الطف واصدق معنى عاشوه لأنهم حقا علموا معناه

ان هذا المعنى كالبحر يترائا للناظر انه مجرد بحر
ولكن!!
سرعانا مايغير رأيه
عندما يعلم أن هذا البحر
يخبأ بداخله الكثير

انه معنى
..<>..
فالصداقه لها معاني كثيره:

فالصــــــداقه بلسم يداوي جروح هذا الزمن القاسي…

الصــــــداقه اسم يجمع كل صدق وإخلاص وتضحية…

الصــــــداقه أن تعطي ولاتنتظر أن تعطى….

الصــــــداقه أن تحب لصديقك ماتحب لنفسك وأكثر…

الصــــــداقه هي الوصل دون جفاء….

الصــــــداقه سمو في الأخلاق وروعة في التعامل….

الصــــــداقه توجيه من غير تجريح….

الصــــــداقه نصيحة مغلفة بحب…..

الصــــــداقه أن تكون مرآة صادقة تعكس كل مافي صديقك….

الصــــــداقه هي أن تلتمس العذر لصديقك قبل أن تعتذر….

الصــــــداقه بحر لاساحل له يحمل لؤلؤ الأخلاق….

الصــــــداقه جبل أشمخ شامخ لاتهزه رياح الزمن الغادر….

الصــــــداقه زهرة لاتذبل مع أجواء الخيانه…..

الصــــــداقه أمطار باردة تنعش صيف المشاعر….

الصــــــداقه حضن دافئ يحتويك في عواصف الحياة القاسية….

[ صــــــديقاتــــــي ]
(زاحفه_جودي_فروحه_٠٧)

لكم مني أصــــــدق محبــــــة
ولكم مني حســــــن الوفــــــاء
ادام الله صداقتنا للأبد بكل خير

الف الف الف مبروووك ((مجوودي))..

اولا:: مشتاااااقه حدي لك أمجادوه ..

ثانياً:: الف مبروووووك ..ع الجوال الجديد الله يعطيك خيره ويكفيك شره ..

ثالثاً:: اول مره انزل بوستين في 24 ساعه ..

رابعا:: اليوم بكلمها الساعه واحد ..

خامسا:: مشتاااقه لاسطووره ..

سادسا:: في بوست قريب جدا ان شاء الله خاص لاسطوره ..

احس نفسي بطير من الفرح كلمت مجودي كم لي ماكلمتهاااا !!

وبكلم اسطوره ان شاء الله .. وووو اشياء كثيره كثيره ..

الله يرزقني بهذا

v

v

v

v

اولا تحية لمدونتي

ثانيا اعتذر ع الخروج اللارادي من ضغط الامتحانات وشاحن الاب توب .

************

السكرانه موقف حصلي شخصيا بدون مايوصلني عن طريق احد ..

والله الذي لا اله الا هو حادثه حصلت امامي..

الحادثه سارت يوم الاربعاء وتحديدا الساعه 8 ونص الصباح .. قسم اللغه العربيه<<اللي حاب يتأكد من الحادثه..

العاده نجتمع ونسوي قروب ونجلس نراجع  للامتحان في قاعه فاضيه بس هذي المره راجعنا في احد الممرات في الدور الثاني ..

قروبنا اللي كان يراجع 5 طالبات ..

المهم كان في قروب جنبنا انا صراحه مانتبهت للي سار بس اذكر شوشو قالت زاحفه شوفي شوفي ..

طالعت كان في وحده واقفه مع القروب اللي جانبنا تتخاصم معاهم وفي روايه((تتهاوش)) .. :p

المهم فجالسين يقلوا لها روحي روحي يالسكرانه يا *** يا*** مشكلتي انا في هذي المواقف مستحيل امسك الضحكه ..(اتوقعت لو شافتني اضحك كان انا للي انضربت بس ربي ستر)

فهي جالسه ترد ايوا سكرانه عندك شي اوص اوص لا اهفك كف تطيحي اللي وراك كان الي وراها (خلود)ردت وحده مننا  قالت نبغى خلود..

المهم يمكن الصراخ ماتجاوز دقيقتين لكن والله العظيم حركات اللي كانت واقفه كانت تستحق هذي الكلمه ..حتى وهي رايحه بدئت تدور حول نفسها وتتحرك بحركات غريبه وتقول ايوا سكرااانه ..وبعد ماراحت سرنا نضحك بصووت عاااالي <<الله لو شفاتنا واحنا نضحك كان مارجعنا البيت

<<<< عادي جدا ان ارى مثل هذي المواقف في جامعة بنات ويمكن شفت اشياء اكثر بكثير من كذا ..

لكن ما اقول الا الله يحفظنا ويحفظ بنات المسلمين من هالاشكال..

الواحد يرسل البنات للدارسه وهو يده ع قلبه متى ترجع وكيف بترجع ..

انا طبعا ما اعم في النادر النادر جدا ..بس ممكن نلاقي مثل هالاشكال مو بعيده جدا ..

حتى يمكن نلاقيها في المدارس ..وفي الزواجات وفي الاماكن العامه ..

لكن الله يحفظنا ..

وبس

سعيــــده أنـــا.. وكفى

كل عام واحبابي هم سكان قلبي.

بمنـاسبة عيد الحج المبارك ابعث لكل من زار وانار مدونتي بمروره باقه مبخره بالعود مملوؤه بالورد..

وكل عام وانتم هنا وانا هنا ..ومن احب هنا ..

أعتذر عن تأخير البوست .. بسبب ضروف ورد برسيه <لوول

برايفت (نص تفاحه)..

شكل الصفحه حلو يابت بس حوووسه ..

وانا احاول افتح الصفحه ع الفاير فوكس بس ماكان في امل ..ورحت ع الاكسبلور وجربت وبعد جهد جهيد فتحت الصفحه..

طبعا كل شغلي نقلته ع الاكسبلور بعد ماكان المتصفح اللي يرفع ضغطي وكان متصفحي المحبب (الفايرفوكس)..(

والان سرت اشتغل ع الاكسبلور ونسيت الفايرفوكس.. ((صبرا جميل والله المستعان))..

* اللي يعرف ايش السبب في ان صفحة العضويه ماتفتح ع الفايرفوكس يفيدني او اللي عنده نفس المشكله..لان يمكن اهجر النت بسبب الاكسبلور…

.. ايقونت الالوان ماتفتح..!!! <<صبرا جميل والله المستعاان

..تحديث..

هههه من المضحك ان تنعكس الايه بعد نزول البووست ..

فتح ع الفاير فوكس وبطل يبفتح على الاكسلبور..<<<لاتعليق

جميل الواحد يطلع من البيت متجه للجامعه الموقره هو بالحيويه وطالع بدري عشان يلحق احلى محاظرات الاسبوع (الادب)..

بس مو جميل يتافاجئ ويلاقي نفسه في ادارة الجامعه (ظلما)..

مو جميل انه يصبح ع وحده سخيفه زي اللي صبحت عليا ..

بدايتي مع المعاناه..

الساعه 7:45 بوابة الجامعه ..

: صباح الخير << غلطانه لاني كل يوم اقولها لضابطت الامن من باب الذووق وابتسامه عريضه..

(…):صباح الخير <بدون ابتسامه <<ترى حدك امن ..

دخول سريع ومحد طالبني بأثبات دخول الجامعه ومن سوء حظي ناسيته اليوم .. متجه سريع مابقي ع الماحظره الا 7 دقايق

صووووت :: هيه انتي انتي<< احسدها ع الذوق..

: انـــــا؟!

(…): لا ظلك < ابتسمت لاشعوريا من السخااافه..

: نعم؟!

(…): وش ذا البس..

: بصمت ……..!!

(…): نزلي النظاره وكلمني عدل..

بأستغراب) مايسير اكلم وانا لابسه نظاره…!! < طبعا شمسيه.

(…):: لا لاااء

: طيب اعصابك ممكن عندي محاظره بسرعه لو سمحتي ..

(…):هاااتي جواااااالك

: نعـــــــــــــــــــــم !! المخالفه في البس ولا الجوال

(…): هاتي جوالك وانتي ساكته ..

: اسفه ما اقدر..

(…): ع الادااااااااااااااااااااااااااااااااااااااره ..

: بثقه ع الاداره مو مشكله ..

(…) : هاتي شنطتك ..

: خيييير < لذي الدرجه تخلف

انتي عارفه ايش جالسه تطلبي!!!

(…): ع الاداره وهناك نتفاهم ..

الاااداره :-

(…) 2 تســأل (…) 1

(…)2: شمسويه

(…)1: لابسه مخالف

(…)2 : ما استوعبت مخاالف!!

(…)1 : ايه مخاالف ..

: ممكن اقول شي هذي ثالث مره اللبس نفس اللبس من بداية العام ولامره قالولي مخالف.

(…)1,2: احنا نقرر. وبعدين احنا نتغاضى بكيفنا

: عندي محاااظره بعد المحاظره قرروا ..يعني البس مافيه شي بس فراسك تمسكي وحده وللاسف وقع الاختيار علي لاني كنت اقرب وحده منك

(…) : هاااتي جدولك

: من سوء حظي اني ناسيته

(…) 1,2 اها قولي كذا يعني انتي مو منتظمه بس جايه زايده

: انـــا!! نعم

(…) : انتي زايده صح

: انــا منتظمه هنا ولي محاظرات ورقم جامعي بس للاسف اني فمقركم ..

(…): ايش اللي يثبت يا (…….)

: خلينا نتكلم بذوق لو سمحتي مالها داعي ذي الالقااب ..

يمكن خمس دقايق الوقاحه ماوقفت بينهم الاثنين ..

: انــا ممكن تعطيني جوالي لاني مستحيل اقل ادبي اكثر منكم ..

ابتصل ع بــابــا ويسمع الوقاحه اللي انتوا فيها وهوه يحكم من المخاالف

(…)1,2: لاء لاء ماتوصل لولي الامر..

: اعطيني جوالي بسرعه هو الوحيد اللي يعرف يتافهم معااااكم .. انا مستحيل اقل ادبي لاني طالعه من بيت محترم ..

(…)1,2: شقصدك..!!

: ولا شي بس ممكن جوالي ..

(…) : لاء اتصلي ع احد من اهلك خليه يجيب لك بلوزه .

: نعم..!!<من جد ما استوعبت ..

(…) : ايه ليه مستغربه ..

كـــاني في سجن مو جامعه ..

: ممكن اطلع لــ أ/ (………..)

(…) مافي وحده عندنا اسمها كذا..

: لا في

(…): قلنا مافي ..

: نطلعلها المكتب وانتي شوفي في ولا مافي ..

عند ..أ/ من حظي الجميل كان في تشابه اسماء ..

(…) : تعرفي هذي الزائده

: انا لا شعوريا ضحك متواصل حلوه كلمت الزائده ..

أ/ لاء ولا عمري شفتها

: ولا انا ماعمري شفتك وبعدين مو هاذي استاذه(…)

(…): انتي تلعبي ..

: ابداااا حاشا لله ..بس مو هاذي<بضحكه

(…): اها ليكون تقصدي أ/

: ايوا

عند استاذه(…..)

أ/ بأبتسااامه قاتله هـلا زاحفه

(…): تعرفيها..

أ/ اي ماشاء الله هذي (……..)

: هلا (…)

أ/ اخبارك زاحفه اخبار ماما؟

: الحمد لله ماشيه

(…) : استاذه هذي منتظمه

أ/ اي منتظمه ماشاء الله وان شاء الله تكون قدها وتجيب معدل وتحول للعلوم ..

شمسويه زاحفه ؟!

(…): شف لبسها كيف

أ/: بــستغرااااااااااااااااااااااااب شديد فين المخااالف؟؟؟؟؟!!!!!!!

(…) : ولا وفوق مو لبسها مخالف ناسيه الجدول ..

: وابتسامه في أ/ وبادلتني نفس الابتسامه <لان فعلا شي مثير للضحك ..

(…) : لامعليش تتصل ع احد من اهلها يجيب لها بلوزه .

: اتصل وجوالي معاكِ؟!

أ/ خلاص زاحفه خذي جوالك وروحي مكتبي وخلي احد يجيب لك (بلوفر).. وتلاقي فطور ع مكتبي افطري.

: ابتسمت ابتسااامه كبرياااء ..

نص ساعه تقريبا وتم الافراااج ..

ــــــــــــــــ

سؤال واحد سألته لـ (…) : متى نسير ناس راقين بالفاظنا وتعاملنا؟؟!!

(…): مشكلتك تعرفي تكسبي الخصم لصفك ..

:اذا كنت ذوق ومؤدبه اعرف .. ومشيت

فعلا متى ياجامعتي الموقره نسير ناس راقين ؟

متى يسير عدنا اسلوب وذوق نتفاهم مع بعض فيه؟

متى نكون قد حركاتنا اللي نسويها وماننهزم في الاخر؟

متى .. ومتى.. ومتى؟!

ـــ

جميل ان تجد لك خلا رائعا..لاينساك وانت في محنه

مشكورين (خوخا و شوشو ) ما انسى الباقين وقفتهم معايا ..

خوخا كانت معايا لحظه بلحظه وحظرتني في المحاظره وكانت تطمني بالمسجات ..

6 مسجات من خوخا و 4 من شوشو ..

الف مبرووووك لكل من دخل عش الزوجيه هذي السنه ..

دخلت الشريفه (شيماء) والشريف الكــابتن (وليد).. القفص الذهبي يوم 21/7/1429

الف مبروك شوشو والف مبروك وليد .. الله يجمع بينكم بخير يارب..

دخلت (ندى) و (خالد) عش الزوجيه يوم 5/10/1429هـ

الف مبروك دودي ..

دخلت (ياسمين) ووو (……) عش الزوجيه يوم15/10/1429

الف مبروك ياسمينه ..اتمنيت احظر لكن

واخيرا فرحنا بــ(مس تهاني ) و (احمد) يوم16/10/1429

ملكه وعقبال الزواج يارب مس تهااني..

و عقبال (مجودي) يااارب ..واسطوره

***

مقر الفصيليه وجريدة عكاظ ..

قبل فتره يمكن الاسبوع اللي راح شدني موضوع في جريدة عكاظ عن كلية الاداب ..جامعتي لازم اقرء عنها . انصدمت ان طالبه مستوى رابع رافعه دعوه ع الجامعه في جريده ..!!<<الستر زين ..حسيت بمعاناتالبنت المسكينه ما الومها . فرحت كثير ان في وحده اتشجعت وكتب عن المعاناه في الجداول ..الى متى راح نسكت ونستنى يجينا الحل اذا مو احنا اتحركنا واتشجعنا وجلسنا نطور في الجامعه مستحيل احد بيحزن علينا ويتحسن في التنظيم ..صح المبنى كبير جدا . بس مو بقدر طالبات المنطقه .متى بنحس اننا فعلا منتظمين ع جدول واحد مو كل يوم يتغير الجدول ونحضر ع القديم والجديد مانتحضر فيه ..!!.. لا طالبات مرتاحين ولا استاذات ودكاتره مرتحين .. كل مادخلت علينا استاذه قالت مبنى كلية العلوم مدري شفيه وشفيه ..<< طبعا استاذتي فين كلية العلوم وفين كلية الاداب!!

***

مطر..

سبحانك ربي ماعبدناك حق عبادتك ..

اللهم لك الحمد كما ينبغي لجلال وجهك وعظيم سلطانك ..

امطار خير وبركه يااارب..لا امطار عذاب وسقم ..

بوستات تحتاج احد يزغرط

بوحــك وصــدا صوتـكـ يحينيـ ..

كمـ اشتاااقـ اليكـ ..

♥

غ بتـ عنـ نظريــ ~ وطيفكــ عن خياليــ لا يغيبــ ..

♥

كـ نت ومازلت الوحيد المتمكن في ترويضي..~

♥

ثـغر همس بحروفك السبعه ..
وفؤاد ساقك الله اليه بالمحبه ..
وروح هامت بشخصيتك الملمه ..
وقلب جن بثقتك الجمه ..
أاليس لقلبي الحق ان تكون ملكه….!

♥

خ واطري.. وبوح قلمي .. وبعثرت حروفي وأبجديات همسي..
وسمفونية صوتي.. واوتار قلبي.. عزفت لك اعذب وانقى الحروف (لأنك من يستحقها )
كن بقربي دوما ..

♥

روحـاً سكنتـ بيـ إليكِـ….
روحيـ وجدتُ نفسيــ بأابجديات الهمسـ ..
وقلميـ لم يكفـ عن صفحات الهمس من اللمسـ..
فكتبت لكِـ اليوم وأمسـ..
ورققت لمشاعريـ الحسـ..
ولحنتها بألحان المجسـ ..
فقرأها من قرأها من الجن والإنسـ ..
فعجبت لحروفيـ الحواسـ الخمسـ ..
وجنَت لمشاعري النفسـ ..
وترجمت مشاعري بحروف يرفع بها الرأسـ..
لانكِ من يستحقها ايها الاُنس..

♥

صادقه هيـ مشاعرنا .. عندما يحتوينا الحب بين جنباته ..

اللهم ادم ليـ من احب..

♥

بقلمي ..لمن أحب..