::توافق الافكار ::

مدري كيف ابدا البوست ..

مممم ببدء ع طول >> احلفي بس

بدت الحاله ماعايا سنه ثاني ثنوي .. والله تجي فجئه ..ان اللي جنبي بتقول كلمه وفنفس الوقت اقولها ..

اكثر وحده تعاني من هذي الحركه (( امجاد قلبي ))..

سواء كنا داخل المدرسه او خارجه في المكالمات ..

لاخر شي قالت شوفي زاحفه بسميك قارية افكاري..>> رحمتها ..

موقف ع الطاير ::

حصة الماث ملل وطفش وثلاث حصص كالعاده >> مواقف حصص الماث دائما تكون يوم الاثنين ..ثلاث حصص ايش بيسير فينا

المهم ::

المعلمه تشرح وفي قانون (( يقول اذا كانت ….. د(س)=د(-س) <ــــ> فأن الداله تكون زوجيه ..

دائما تطلع د(س) ((لاتساوي)) د(-س)

امجاد : طيب وسكتت

زاحفه :: ايش يسير لو تساوا ..

امجاد :: سكوت بذهول !!!!!!!!!!!

زاحفه فهمت ::ابتسامه

امجاد :: بسم الله الرحمن الرحيم ..

تؤ زاحفه قومي من جنبي ليش تقولي اللي بقوله دايما ..

زاحفه ابتسامه >> عشان لاتطلع برا ..

زاحفه ::مدري..

ابتسمنا وكملنا الدرس ..

مواقفي كثيره كثيره معاهاااا ..

ــــــــــــــــــــــــــــــــــــــــــــــــ

عينه من محادثاتي ع المسن ..>> خخ بالادله ..

انتبهوا ليكون في احد اقراء افكاره >> ههههه

ـــــــــــــــــــــــــــــــــــــــــــــــــــــــــــــــــــــــــــــــــ

مما قرئت

قدرات الإنسان الخارقة قد تكون روحية المصدر (من الله) , و قد نكتسبها من التعلم , و لا تحدث عموماً إلا بتوفيق ٍ من الله..

و من هذه القدرات التخاطر , والتي يعتقد المهتمون بهذا العلم انها طريقة الاتصال بين البشر في العصور القديمة.. و الله أعلم..! و انه مع التطور العلمي و التقني ضعفت قدرات الانسان بحيث فقد القدرة على الاتصال العقلي و الروحي كما كان بنو البشر في العهود القديمة.. و اصبح التخاطر ظاهرة , و نادرة أيضاً , ونعتبرها من الخوارق ..!

التخاطر Telepathie هو انتقال افكار و صور عقلية بين الكائنات الحية من دون الاستعانة بالحواس الخمسة او باختصار نقل الافكار من عقل الى آخر بدون وسيط مادي..

:: ليالي البعد ماتنطاق ::

حسب علمي تحبيني ..

بين قلوبنا ميثاق ..

واذا قصدك تثيرني ..

ليالي البعد ماتنطاق ..

وينيك يادفى سنيني ..

تعب قلبي الم وافراق ..

غريب في البعد يطوني ..

وتبكي حوليا الاروارق..

تدوينه خاصه .. الرجاء من الجميع عدم الرد ..

:: شريط الذكريات ::

ماجمل ان يكون لك خلا وفيا.. صادقا يفي بجميع وعوده ..

تعاهدنا ان لا يفقرنا الزمان ..رغم قسوته ..رغم جفاءه..

تهاعدنا ان نبقى ونبقى ونبقى اخوات ..

نحن من اخترقنا دفتر التعهدات نحن من استفتحنا ((الطردات)).. نحن من ابتكر الهروب من الفصل .. نحن من بدأنا بالفطور الجماعي.. نحن ونحن …الخ

ما اروع ان تجد شخص يبكي لاألمك .. ويبتسم لأنسك ..لايتذكر هفواتك ولايرى الاخوتك

ما اجمل ان تكون خماسي مرح .. تبادلهم الحب والاخوه كما يبادلونك ..

كلمات ومشاعر والم الفراق جعلت شريط الذكريات يمر امامي وبسرعه مع انسكاب الدموع ..

بأذن المولى عزوجل بتكون في سلسلة لازحف تنحف (( مواقف .. ذكريات .. .. ))

:: الحياه بدون DSL::

اربع ايام عايشه في عذاب بدون الواير لس ..

عذاااااب .. الواحد مايحس بقيمة الشئ الا اذا فقده ..

اربع ايام وانا ع خط التلفون .. واشبك دقيقه وافتح الروايه وافصل .. و ع هذي الحاله ..

بس حسيت بطعم البيت .. حتى ماما رحمتها تقول والله يازاحفه سرنا نشوفك ..

اليوم جالسه اقولها يلا الله ياماما شي مو معقول الحياه بدون دي اس ال عذاااب .. وخاصه للي عندهم (( هوس نتي ))

صح انه نعمه ..

ماما::لاياشيخه والله نقمه مدام ماخذكم مني ..

عادي ياماما بتتعودي 3 شهور قدامك .. أهااا اذا شفتيني معاكم ..

بس حسيت ان في احد مفتقدني >> احلفي ..
حتى خروووج من البيت مع احب .. واتهزئ .. والله مرات بالحلفان اطلع ..

اطلعي معايا خلينا نروح نتمشى من يوم مابدئت الاجازه وانتي ماخرجتي الا قليل .. كل مره اتعذر والله حرام اربطهم يجلسوا معايا ..

ما انكر اني فرحت لما انقطع بس في حنين >> بس ياااهو اهم شي حنين ..

بس اليوم غيرنا البطاقه سعودي نت نصيحه نصيحه اللي ماجربها يجربها ..

ولااااااااااا ياخذ اول نت لان بتتعب نفسيته .. لحد يشتري اول نت نصيحه لوجه لله ..

بما ان زاحفه كانت مع عمها هو يعدل المودم .. طبعا زاحفه فيه مابيخلو الجو من المواقف وخاصه ان بابا كان

جالس ..

بس للاسف مواقف عائليه ممنوع نطلعها .. :p

<< تحرق الاعصاب ..

بس لا والله من جد حسيت ان بابا يضحك من قلبه ..

خلاص رحمتكم حسيتكم دخلتوا جو .. >> مافي البيوت اسرار :;

وبص بس الحمد لله ع نعمة ال دي اس ال ..>> لاتسمعني ماما .

:: الـــ مبروك ــف ::

يمكن محديعرف قد ايه طاير من الفرح .. وفي نفس الوقت للاسف الصدر ضايق ..

بكره اول يوم دوام للاخ ((زاحف ))..

مبرووووك زاحف والله ماتتخيل قد ايه فرحتي .. ومشخص ومحلق .. اشبكم اول يوم في الوظيفه ..>>غمزه

الله يعطيك خيرها ويكفيك شرها يارب ..

وتطفش المراجعين بالعافيه ..

اه يا اخويه لو يقبلوني في نفس تخصصك ياسلااااام (اداره ) الارض ماتشيلني من الفرح

اتوضف في المكتب اللي جنبك :p

آآآآآآآآآآآه (( فيس يصارخ وينأآآآقز ))>>ما اقلد ملونه :p

اول مار وجالسه اقله بتاخذ الجهاز بتشوف فلم ((يقول : لا بكره ورايا دوااام )) وييه ضحكت من قلبي..

جالسه اقله لا ما اقدر ع المشخصين بس لا اوصيك ثوب وشماغ ..مو ثوب وكاب ..

اول مراح يقدم لبس ثوب كاب ..قله الموظف تجينا بثوب وشماغ ..

ثوب وشماغ ثوب وكاب بدله رسمي ((تجنن في كل الحالات ))

يااارب تتخرج من الجامعه بمرتبة الشرف يارب .. وزي مافرحنالك بالوظيفه نفرحلك بالتخرج يارب ..

ودعواتكم للمسكينه اللي جالسه تفحط  في  في البوست ..بالتسعينات يارب ..

:: اختبار القدرات ::

امس كان اختبارنا القدرات .. والحمد لله عدا على خير..

كان الاختبار مش ولابد بس ما بعطي فكره سيئه للي لسه ماختبروا.. ان شاء الله بيكون سهل عليهم..

في البدايه دخلنا من بوابة جامعة ام القرى .. كان الوجيه تبشر بالخير ضحك والكل فرحان انه بيدخل الاختبار.. شلة ازحف تنحف كان في انتظاري.. اتقسمنا ع عدد المجموعات ..

دخلنا القاعه الساعه سبعه تماما من سبعه الى تسعه تعليمات وتعبئتة بيانات.. من تسعه الى 12 ونص اختبار..

الاختبار سته اقسام كل قسم نص ساعه يعني كل سؤال دقيقه وحده بس..

كان في بداية القاعه ساعه كبـــــــــــــــيره ((عد تنازلي))..

جالسه اشبه الساعه عرفين زي ايه ساعة القانبل اللي يبداء فيها العد التنازلي 30..29..28 ..الخ

الدقيه واحد يقول انتهى الوقت انتهى الوقت.. وقت ماينتهي احس انفجرت القنبله >>ونعم التشبيه..

خلصنا الاختبار .. بس مو قد كذا.. لان كان في تحصلي لو موالتحصلي لو بس القدرات بيكون احسن .

اسئلة التحصلي من المناهج اللي راحت اولى وثانيه.. اسئلة القدرات تعتمد على الذكاء يعني احسن من التحصيلي..

الحمد لله على كل حال..

جالسه اقول لماما لوجبت 50%فوق الممتاز بالنسبه لصعوبة الاسئله والقاعه اللي اختبرنا فيها > بس ياشيخه عذر اقبح من ذنب..

لا من جد القاعه شي مو معقول.. بس ايش اقول خمس مكيفات وكل واحد صوته اخص من الثاني .. سته مراوح وكلها تشتغل.. شي بس على الله..

يومنا امس ماخلا من المواقف المضحكه كالعاده الشله فيه ومتمعه ايش بيسير.. هذا وانا داخله من الباب صاحوا..اص ترى احنا محنا في المدرسه خليكم رزه عيب عيب بنات جامعيات.. ودخولنا للقاعه واحنا نضحك خليهم يعطونا انذار وتفريق في الاماكن.. وحاله..

المواقف لايسعني ان اكتبها هنا .. لان اللي يعيش الموقف مو زي اللي يقوله وهذا واحنا نقوله وبعضهم مايفهم ولا يضحك عاد كيف لو كان كتابه..

بس الشي الابرز اني كالعاده ادخل جوالي الكميرا ومحدش يدري .. صورت الجامعه من الداخل.. شي بس انتبهوا لاتحسدونا عليها..

يومي كان حلو من اجتماعنا .. فعلا شله يترفه فيها الراس>>لاياشيخه

رجعت البيت ونوووووووم بعد مواصلة يومين قبل الاختبار..

حبيت اشكر وكلمة الشكر والله ماتكفي في حقهم ..

اشكر الرائعه(( المدونه ملونةاستيشنــ~ ((ميشو)) على اطمئنانها عليا بس والله ماتتخيلي قد ايش فرحت لما شفت مسجك في القاعه ..>>في القاعه ملاحظين قلبناها مسجات انا وملونه..

اشكر قلب التدوين السعودي كيفي بسميكي كذا((مس مضيعه بيتهم.. على الاتصال مس ثانكس على الاتصال والاطئنان

اشكر بنات منتدى وجهه وحده وحده على دعائهم ليه..

اشكر مس انتعاش.. لاني كلمتها قبل ما اطلع الاختبار الساعه 5 ونص الفجر>>عمال افضح..

اشكر كل من دعتلي بظهر الغيب ..

موقف..

وانا اكتب البوست اذكرت موقف .. لما دخلنا القاعه انا وتؤم روحي وقاريه افكاري ((امجاد قلبي)) >>لقب وليس اسم.

دخلنا نضحك وجلسنا جنب بعض.. وجات المشرفه وخلت بننا بنت.. يعني امجاد قدم عيني.. في نهاية الامتحان خلونا في القاعه ساعه..

طفشنا نبغى نتكلم قامت اتصلت عليا .. انا اطالع فيها وهيه ما كانها مسويه شي..رديت

امجاد: وينك يالقاطعه معد تنشافين..

زاحفه:: مشاغل الدنيا وعارفه انه اليوم اختبار القدرات بس دعواتك..

امجاد:: يوه زينا حتى احنا اختبار القدر ات

زاحفه ::لا تقولي

امجاد:: الابقول..

زاحفه:: فين اختبارك..

امجاد ::في جامعة ام القرى..

زاحفه::لا تقولي..

امجاد ::وانتي زاحفه فين..

زاحفه ::انا كمان في جامعة ام القرى..

امجاد.. لا تقوووووووووووووولين ..

امجاد: في اي قاعه واي مجموعه..

زاحفه::انا في قاعه …… المجموعه ….

امجاد ::لا لا لا من جدك>>>لا لا لا هذي حركه فيها متوتني ضحك اذا قالتها .. الله لايحرمني منها

زاحفه::ايوا لاتقولي انك في نفس المجموعه

امجاد:: الا بقول انتي فينك

زاحفه انا اخر صف من اليمين جنب اللي لابسه كذا وكذا وخذي لفه ..ها انتي فينك..

في ذاك الوقت جات عيني في عينها ..

مابقول موجه من الضحك والاستهبال,, لدرجه انا ضحكنا بصوت عالي..

واخذنا تنبيه وحاله..

<<< تحشيش مابعد الامتحان ..

عادي اي احد يسير معاه هذي الحاله لايتفاجئ مره.. خذوها مني.. ويمكن يسير اكثر من كذا..

الله يوفق اللي لسه ما اختبروا والله يعنهم..

اللهم لك الحمد .. اخيرا نشرت البوست ثاني مره اكتبه..

تمت..

:: عندما اعشق الرسم ::

عندما تحن روحا عاشقه للرسم ستظهر جميع المشاعر من خلال تلك اللوحات.. لم تعرف معنى الحجم والسكوت فلكل منها صوتها وقصتها تنطق بها عندما تراها العين وتخاطبها بأسلوب جميل وكأنها تحكي قصة..

حن قلبي للرسم (( اخر رسوماتي ))
مكان الرسم (( اثناء سير حصه الفيزياء))>> انسب مكان ..

صلــــــــوا على محمد ..

:: 6 اسرار ::

حل الواجب المرر من ليدي اش .. اعتذر لودي ع التأخير عارفه ازمة امتحانات .. وعدت ع خير ..

دعابه ((انا ماحليت واجبات المدرسه احل واجبات المدونه ))>> =D

ــــــــــــــــــــــــــــــ

1ج/ الواجب مرر من المدونه الرائعه((ليدي اش ))

ج2/ القوانين المتعلقه بهذا الواجب

1. ذكر اسم من طلب منك حل هذا الواجب
2. أذكر القوانين المتعلقة بهذا الواجب
3. تحدث عن ستة أسرار قد لا يكتشفها من يقابلك للمرة الأول
4. حول هذا الواجب إلى ستة مدونين، وأذكر أسماءهم مع روابط مدوناتهم في موضوعك.
5. ترك تعليق في مدونة من حولت الواجب عليهم، ليعلموا عن هذا الواجب.

6 أســـرار ممم ..

صعب الواحد يتكلم عن نفسه .. بس بحاول احل الواجب..

أ/ زاحفه الى المجهول من عشاق التصوير من الدرجه الاولى .. لكن لا اجيده .

ب/من عشاق افلام الهوليود المرعبه .. واخر ما رأيت اليوم >>خلصنا امتحانات..

ج/ من عشاق الروايات ..

د/ اكره الزيارات العائليه والغير عائليه لا لشئ استصعب الخروج ..

ه/ زاحفه الى المجهول ذات القلب الكبير وقد صرح بذالك اكثر من شخص .. اللهم لك الحمد

و/ من الصعب ان احب ((بستثنأ………..)) لكن من السهل ان انحب

ج4/ المدونه ((ملونة استيشنـ ~

المدون بدر الشيحه ..

المدونه بسوم

المدون جندبي

المدون فايخ ي زمن بايخ

المدونه الجوري

ان شاء الله ليدي آش

::وانتهت حياتي من المرحله الثانويه ::

انتهت حياتي اليوم من من اجمل مراحلي الدراسيه..

سأصبح بأذن المولى فتاه اكاديميه ..>> شعور لا يوصف فعلا..

الشعور مختلط بين فرحة التخرج ودموع الفراق ..

سأشتاق للقاء من احبني ومن احببتهم .. سأشتاق لمن حوتني بحبها .. سأشتاق لكل من علمتني حرفا ادبيا وافيا .. سأشتاق لفصلي .. سأشتاق ((لشلة ازحف تنــــــــــــــــــــــحف )) كما احوبوا تسميتهم .. سأشتاااااق وسأشتاق وسأشتاق .. لايام لاتنسا ..

12 عشرا عاما وانا اعيش في جنبات الفصول.. وشرح المعلمات .. سننتقل الى عالم الاكايميه لعالم الصخب وعالم المعرفهكما ارى ..

الفرحه تجعلني اخون التعبير والكتابه لي عوده .. بـــ(( مواقف من ايام الاختبارات .. رحله في المريول المدرسي لا خر يوم .. دموع الفراق ..>>> تشويق ترقبوني

::EXAMS::

بقي اسبوع وندخل في دوامة الاختبارات ..

وهم الاختبارات .. وروتين الاختبارات .. وطفش الاختبارات ..

الله يعين الطلاب والطالبات ..

دعواتكم لزاحفه .. دعواتكم لكل الطلاب والطالبات ..

الله يوفق الجميع .. ونشوف النسب العاليه ..

نشوف تشريف الوجوه .. ياااااااااااااااارب ..

ان شاء الله ناجحين بس النسبه الله يستر ..

بليز احملها امااااااااااااااااااااانه في رقبة كل واحد يمر .. يدعي لي بالنسبه العاليه ..